Shyǵys Qazaqstan oblysynda karantin shekteýi 17 jeltoqsanǵa deiin uzartyldy, dep habarlaidy QazAqparat.
ShQO bas memlekettik sanitar dárigeriniń jańa qaýlysy jariialandy. Onda jazylǵandai, óńir boiynsha karantin 17 jeltoqsanǵa deiin uzartyldy. Shekteý sharalarynyń merzimi oblys aýmaǵynda COVID-19 infektsiiasynyń taralýy boiynsha ahýaldyń ózgerýine sáikes qaita qaralýy múmkin.
Búginde COVID-19 juqtyrǵan naýqastardy emdeýge arnalǵan infektsiialyq statsionarlardaǵy tósek qorynyń toltyrylý deńgeii – 14,2%. Oblys boiynsha infektsiianyń reprodýktivtik R sany – 0,754.
Osy rette ShQO Sanitarlyq-epidemiologiialyq baqylaý departamenti halyqty karantin talaptary men respýblikalyq, oblystyq bas memlekettik sanitar dárigerdiń qaýlylaryndaǵy barlyq shekteýlerdi saqtaýǵa shaqyrady. Qaýly mátinimen osy silteme arqyly jan-jaqty tanysýǵa bolady.
