Shyǵys Qazaqstan oblysynyń ákimi Danial Ahmetov 5 shildeden bastap oblystaǵy eki iri qalanyń karantinge jabylatynyn málim etti, dep habarlaidy «Ult aqparat».
Bul týraly ShQO ákimi Daniial Ahmetov Instagram paraqshasynda jazdy.
Ákimniń málimetinshe, oblys kez kelgen jaǵdaiǵa daiyn. 1700 infektsiialyq, 2500 provizorlyq jáne karantindik oryn jáne qarqyndy terapiia palatasy daiyndaldy. Oǵan qosa aimaqta adamdar jedel meditsinalyq kómek ala almaityn eldimeken joq. Meditsinalyq mekemeler men atqarýshy biliktiń ózara áreket etý algoritmderi jasalyp, bekitilgen.
«Jaǵymsyz jait bolmas úshin biz 5 shildeden bastap Óskemen jáne Semei qalalaryn jabamyz, adamdar men kólikterdiń qala men aýdan arasynda júrip-turýyn shekteimiz. Osynyń barlyǵy - koronavirýs infektsiiasy taralmas úshin jasalyp otyrǵan sharalar. SOVID-19-ben kúreste ózin-ózi oqshaýlaý tásili tiimdi ekeni dáleldendi. Karantin kezinde oblysta jalpy virýs juqtyrǵandar sany 135 bolatyn. Maýsym ishinde bul kórsetkish 710-ǵa deiin artyp, áli de ósip jatyr», - dep habarlady D.Ahmetov.
«Sondyqtan osy jeksenbiden bastap qozǵalysty shekteý mańyzdy. Biz bailanysqan adamdar tizimin úzýimiz kerek. Bul óte qajet! Osy jaǵdaiǵa neǵurlym jaýapkershilikpen qarasaq, soǵurlym qalypty ómirge tezirek oralamyz. Mekemeler, azyq-túlik dúkenderi, dárihanalar, bankter, HQO (qysqarǵan kestemen) jumysyn jalǵastyrady. Biz engizilgen karantin sharalary kásipkerlerge ziianyn tigizbes úshin tyrysyp jatyrmyz. Taǵy da shekteýlerge túsinistikpen qaraýlaryńyzdy suraimyz. Eýropa elderinde adamdar áýelde shekteý sharalaryna moiynsunbaǵanda qandai jaǵdai bolǵany bárimizdiń esimizde», - dep atap ótti ákim.
Onyń aitýynsha, a damdar óz qaýipsizdigi úshin kem degende áleýmettik qashyqtyqty saqtap, ózin-ózi oqshaýlap, maska taǵyp júrýi kerek.
«Biz de aimaqtaǵy aýrýhanalardy qajetti tehnikamen jáne dári-dármekpen, al dárigerlerdi qorǵanys quraldarymen qamtamasyz etý úshin barymyzdy saldyq. Qazirgi bizdiń ortaq mindetimiz – shekteý sharalaryn saqtap, virýstyń taralýyna jol bermeý» dep tolyqtyrdy D.Ahmetov.
