Shyǵys Qazaqstan oblysynda biylǵy jyly 21 sporttyq nysan salynady, dep habarlaidy QazAqparat.
Shyǵys Qazaqstanda sportty damytýǵa erekshe kóńil bólinýde. Bul týraly halyq aldynda esep bergen aimaq basshysy Danial Ahmetov atap ótti.
«Koronavirýs pandemiiasyna qaramastan óńir sportshylary halyqaralyq jáne respýblikalyq jarystarda 2 myńnan astam medal ielendi. Jastardy salaýatty ómir saltyna shaqyrý maqsatynda 6 sport nysany, atap aitqanda Aiagóz aýdanynyń Aqtoǵai kentinde, Jarma aýdanynyń Shar qalasynda, Kókpekti aýdanynyń Kókpekti aýylynda jáne Úrjar aýdanynyń Maqanshy aýylynda dene shynyqtyrý-saýyqtyrý kesheni paidalanýǵa berildi. Sondai-aq Kúrshim men Úrjar aýdandarynda júzý basseinderi salynǵan», - dedi oblys ákimi.
Onyń aitýynsha, biyl 21 sport nysany boi kóteredi. Atap aitqanda, burynǵy toǵyz aýdan ortalyǵynda balalar sport mektepteri ashylady. Budan bólek, Marqakól, Katonqaraǵai, Úlken Naryn, Samar, Tavriia, Bozanbai, Aiyrtaý, Aqsýat, Borodýliha, Qainar aýyldarynda jáne Serebriansk, Shemonaiha, Aiagóz qalalarynda 13 dene shynyqtyrý-saýyqtyrý kesheni salynbaq.
Kúrshim aýdanynyń Qaljyr aýyly men Úrjar aýdanynyń Qabanbai aýylynda eki sport modýlin ashý josparlanyp otyr. 2021 jyly oblys mektepterindegi sport sektsiialarynyń sanyn 1268-ge kóbeitemiz. Dene shynyqtyrý muǵalimderi bul jumys úshin ústemaqy alatyn bolady», - dedi Danial Ahmetov.
