شىعىس قازاقستان وبلىسىندا بيىلعى جىلى 21 سپورتتىق نىسان سالىنادى, دەپ حابارلايدى قازاقپارات.
شىعىس قازاقستاندا سپورتتى دامىتۋعا ەرەكشە كٶڭٸل بٶلٸنۋدە. بۇل تۋرالى حالىق الدىندا ەسەپ بەرگەن ايماق باسشىسى دانيال احمەتوۆ اتاپ ٶتتٸ.
«كوروناۆيرۋس پاندەميياسىنا قاراماستان ٶڭٸر سپورتشىلارى حالىقارالىق جەنە رەسپۋبليكالىق جارىستاردا 2 مىڭنان استام مەدال يەلەندٸ. جاستاردى سالاۋاتتى ٶمٸر سالتىنا شاقىرۋ ماقساتىندا 6 سپورت نىسانى, اتاپ ايتقاندا اياگٶز اۋدانىنىڭ اقتوعاي كەنتٸندە, جارما اۋدانىنىڭ شار قالاسىندا, كٶكپەكتٸ اۋدانىنىڭ كٶكپەكتٸ اۋىلىندا جەنە ٷرجار اۋدانىنىڭ ماقانشى اۋىلىندا دەنە شىنىقتىرۋ-ساۋىقتىرۋ كەشەنٸ پايدالانۋعا بەرٸلدٸ. سونداي-اق كٷرشٸم مەن ٷرجار اۋداندارىندا جٷزۋ باسسەيندەرٸ سالىنعان», - دەدٸ وبلىس ەكٸمٸ.
ونىڭ ايتۋىنشا, بيىل 21 سپورت نىسانى بوي كٶتەرەدٸ. اتاپ ايتقاندا, بۇرىنعى توعىز اۋدان ورتالىعىندا بالالار سپورت مەكتەپتەرٸ اشىلادى. بۇدان بٶلەك, مارقاكٶل, كاتونقاراعاي, ٷلكەن نارىن, سامار, تاۆرييا, بوزانباي, ايىرتاۋ, اقسۋات, بورودۋليحا, قاينار اۋىلدارىندا جەنە سەرەبريانسك, شەمونايحا, اياگٶز قالالارىندا 13 دەنە شىنىقتىرۋ-ساۋىقتىرۋ كەشەنٸ سالىنباق.
كٷرشٸم اۋدانىنىڭ قالجىر اۋىلى مەن ٷرجار اۋدانىنىڭ قابانباي اۋىلىندا ەكٸ سپورت مودۋلٸن اشۋ جوسپارلانىپ وتىر. 2021 جىلى وبلىس مەكتەپتەرٸندەگٸ سپورت سەكتسييالارىنىڭ سانىن 1268-گە كٶبەيتەمٸز. دەنە شىنىقتىرۋ مۇعالٸمدەرٸ بۇل جۇمىس ٷشٸن ٷستەماقى الاتىن بولادى», - دەدٸ دانيال احمەتوۆ.
