Qazaqstan Respýblikasyndaǵy aýyl sharýashylyǵy qyzmetkerleri kúniniń qarsańynda óńirdiń agrarlyq salasynyń ókilderiniń saltanatty jiyny ótip, úzdikteri marapattaldy.
Saltanatty sharaǵa aimaqtyń agroónerkásip kesheniniń qyzmetkerleri men ardagerleri, agrarlyq sektordyń ozattary qatysty. Jinalǵan jurtty óńir basshysy Danial Ahmetov quttyqtady.
- Kásibi merekelerińizdiń qarsańynda sizderdiń el igiligi úshin atqaryp júrgen jaýapty jumystaryńyz úshin zor alǵysymdy bildiremin. Biylǵy mereitoily jyldy oblystyń agrarlyq salasynyń qyzmetkerleri jaqsy nátijemen aiaqtaýda. Sizder 1 million tonnadan astam dándi daqyl jinap, 800 myń tonna sút jáne 250 myń tonna et aldyńyzdar. Ótken jylmen salystyrǵanda tamaq ónerkásibinde ónimdilik artyp, óndiris kólemi 2 mlrd. teńgege deiin ósti, - dedi óz sózinde ShQO ákimi.
Is-sharanyń aiasynda agrarlyq sektordyń 62 ozaty Qazaqstan Respýblikasy Aýyl sharýashylyǵy ministrliginiń vedomstvolyq «Eńbek ardageri» medaldarymen jáne «Aýyl sharýashylyǵynyń úzdigi» tósbelgilerimen, Shyǵys Qazaqstan oblysy ákiminiń gramotalarymen jáne diplomdarymen marapattaldy.
Atap óter bolsaq, oblystyń óńirlik jalpy óniminiń 12 paiyzy aýyl sharýashylyǵyna keledi. Búgin kúni aimaqta 16,6 myńnan astam agroqurylymdar jumys isteidi. 2016 jyly oblystyń aýyl sharýashylyǵynyń negizgi kapitalyna 170 mlrd. teńgege jýyq kólemde investitsiia salynǵan.
