Shyǵys Qazaqstan oblysynda alǵash daýys bergen jastarǵa estelik syilyqtar tabys etildi, dep habarlaidy QazAqparat.
Búgin búkil respýblika halqy alǵash ret aýyl ákimderin sailap jatyr. Olar kelesi tórt jylda eldi mekenderdi basqaratyn bolady. Sondyqtan aýyl bolashaǵy turǵyndardyń búgingi tańdaýyna bailanysty bolmaq.
Sailaýshylar arasynda alǵash ret daýys beretin jastar az emes. Olardyń biri Shemonaiha aýdany Vydriha aýylynyń turǵyny Kirill Mihailenko. 18 jastaǵy jigit baǵdarlamalary men bolashaq josparlary ózine barynsha áser etken kandidatqa daýys bergenin atap ótti.
«Aýyldyq okrýg ákimi jaýapty, belsendi bolýy tiis. Sondai-aq aýyl turǵyndarynyń barlyq máselelerin bilý úshin uzaq jyldar boiy osy aýylda turýy kerek dep esepteimin. Bizdiń de aýyl ákimin tańdaýǵa múmkindigimiz bar ekenine qýanyshtymyn», – deidi Kirill.
Sondai-aq Glýbokoe aýdany Predgornoe aýylynyń turǵyny Vladislav Skvortsov ta sailaýǵa alǵash ret qatysyp otyr.
«Bul men úshin jaýapty sát, óitkeni men óz daýysymdy aýylymnyń bolashaǵyna arnaimyn. Sailaý ýchaskesine kelmes buryn kandidattardyń sailaýaldy baǵdarlamalaryn zerttedim. Sondyqtan men durys tańdaý jasaǵanyma senimdimin. Sailaý ýchaskeleriniń jaqsy daiyndalǵanyn atap ótkim keledi. Munda barlyq saqtyq sharalary qarastyrylǵan», - dedi jas sailaýshy.
Sailaý komissiialarynyń músheleri dástúr boiynsha alǵash ret daýys berýshilerge estelik syilyqtar tabys etti.
