شىعىس قازاقستان وبلىسىندا العاش داۋىس بەرگەن جاستارعا ەستەلٸك سىيلىقتار تابىس ەتٸلدٸ, دەپ حابارلايدى قازاقپارات.
بٷگٸن بٷكٸل رەسپۋبليكا حالقى العاش رەت اۋىل ەكٸمدەرٸن سايلاپ جاتىر. ولار كەلەسٸ تٶرت جىلدا ەلدٸ مەكەندەردٸ باسقاراتىن بولادى. سوندىقتان اۋىل بولاشاعى تۇرعىنداردىڭ بٷگٸنگٸ تاڭداۋىنا بايلانىستى بولماق.
سايلاۋشىلار اراسىندا العاش رەت داۋىس بەرەتٸن جاستار از ەمەس. ولاردىڭ بٸرٸ شەمونايحا اۋدانى ۆىدريحا اۋىلىنىڭ تۇرعىنى كيريلل ميحايلەنكو. 18 جاستاعى جٸگٸت باعدارلامالارى مەن بولاشاق جوسپارلارى ٶزٸنە بارىنشا ەسەر ەتكەن كانديداتقا داۋىس بەرگەنٸن اتاپ ٶتتٸ.
«اۋىلدىق وكرۋگ ەكٸمٸ جاۋاپتى, بەلسەندٸ بولۋى تيٸس. سونداي-اق اۋىل تۇرعىندارىنىڭ بارلىق مەسەلەلەرٸن بٸلۋ ٷشٸن ۇزاق جىلدار بويى وسى اۋىلدا تۇرۋى كەرەك دەپ ەسەپتەيمٸن. بٸزدٸڭ دە اۋىل ەكٸمٸن تاڭداۋعا مٷمكٸندٸگٸمٸز بار ەكەنٸنە قۋانىشتىمىن», – دەيدٸ كيريلل.
سونداي-اق گلۋبوكوە اۋدانى پرەدگورنوە اۋىلىنىڭ تۇرعىنى ۆلاديسلاۆ سكۆورتسوۆ تا سايلاۋعا العاش رەت قاتىسىپ وتىر.
«بۇل مەن ٷشٸن جاۋاپتى سەت, ٶيتكەنٸ مەن ٶز داۋىسىمدى اۋىلىمنىڭ بولاشاعىنا ارنايمىن. سايلاۋ ۋچاسكەسٸنە كەلمەس بۇرىن كانديداتتاردىڭ سايلاۋالدى باعدارلامالارىن زەرتتەدٸم. سوندىقتان مەن دۇرىس تاڭداۋ جاساعانىما سەنٸمدٸمٸن. سايلاۋ ۋچاسكەلەرٸنٸڭ جاقسى دايىندالعانىن اتاپ ٶتكٸم كەلەدٸ. مۇندا بارلىق ساقتىق شارالارى قاراستىرىلعان», - دەدٸ جاس سايلاۋشى.
سايلاۋ كوميسسييالارىنىڭ مٷشەلەرٸ دەستٷر بويىنشا العاش رەت داۋىس بەرۋشٸلەرگە ەستەلٸك سىيلىقتار تابىس ەتتٸ.
