Foto: ©️ Tengrinews.kz / Turar Qazanǵapov
Shyǵys Qazaqstanda mas kúide kólik tizgindegen ákimdik júrgizýshisi jol apatyna tústi, dep habarlaidy "Ult aqparat" YK-news.kz portalyna silteme jasap.
Júrgizýshi aýyldyq okrýgtegi ákimdikte jumys istegen. Kólikti mas kúide basqarǵan ol elektr baǵanasyna soǵylǵan. Oqiǵa 4 jeltoqsanda bolǵan.
"Jol apaty saldarynan Katonqaraǵai aýyldyq ákimdigine materialdyq zalal keltirildi. Zalal erikti túrde óteldi", - dep naqtylady jergilikti ákimdiktiń baspasóz qyzmeti.
Sot júrgizýshini QR Ákimshilik kodeksiniń 608-babynyń 3-bóligimen 20 táýlikke qamaýǵa alý týraly sheshim shyǵaryp, jeti jylǵa kólik quraldaryn basqarý quqyǵynan aiyrdy.
Qaýly zańdy kúshine engen joq.
