Búgin túnde Shyǵys Qazaqstan oblysyndaǵy Katonqaraǵai, Kúrshim aýdandary men Ridder qalasynyń mańyna qar jaýdy, habarlaidy "Ult aqparat".
Kýágerler áleýmettik jelilerde qar basqan joldardyń videolary men fotosýretterin jariialaýda.
tvoi_vko.kz instagram paraqshasyna salynǵan video avtorynyń aitýynsha, Marqakól qoryǵynyń aýmaǵyndaǵy Uranhai aýylynda tańerteń qar 12 santimetrge jetken. Sondai-aq Ridder qalasynyń mańyndaǵy taýǵa, jol men shyrshalarǵa qar túsken.
Qazgidromet» RMK bul aqparatty rastap, Shyǵys Qazaqstannyń taýly aimaqtary úshin bul ádettegi qubylys ekenin jetkizdi.
«Bizdiń meteorologiialyq stantsiialar tek Marqakól qoryǵynyń aýmaǵynda qar jaýǵanyn kórsetti. Biraq Katonqaraǵai, Kúrshim aýdandary jáne Ridder qalasy mańyndaǵy taýly jerlerde qar túsken. Qar mólsherin naqty atai almaimyn, óitkeni taýda meteorologiialyq stantsiia joq», - dedi «Qazgidromet «RMK sinoptigi Dinara Jylybaeva.
Sarapshynyń aitýynsha, taiaý kúnderi Shyǵys Qazaqstan oblysynda aýa raiy sýytady. Boljamǵa sáikes, óńirde temperatýranyń tómendeýi jáne jeldiń kúsheiýi kútilýde.
