Shyǵys Qazaqstan oblysy Glýbokoe aýdanynda jer úide órt shyǵyp, 2 adam kóz jumdy, dep habarlaidy QazAqparat tilshisi.
ShQO Tótenshe jaǵdailar departamenti baspasóz qyzmetiniń málimetine súiensek, 30 qarashada saǵat 06.37-de Beloýsovka kentindegi Mira kóshesinde ornalasqan jer úide órt shyqqan. Qyzyl jalyn úi qabyrǵasyn, jihazdardy, turmystyq tehnika men jeke zattardy sharpydy. Qutqarýshylar órtti sóndirý barysynda 1948 jylǵy er adam men áieldiń máiitin tapty.
Kóp uzamai 70 sharshy metrge jaiylǵan tilsiz jaý aýyzdyqtaldy. Sonymen qatar órt sóndirýshiler úi ishinen 2 gaz ballonyn alyp shyqqan. Órtti óshirýge jeke quramnan 9 adam men 5 tehnika jumyldyryldy. Altyn ala málimet boiynsha órttiń shyǵýyna – temeki shegý kezindegi abaisyzdyq sebep bolǵan.
«Óńirde jyl basynan beri jer úidegi órtten 46 adam kóz jumdy. Kóp jaǵdaida qaiǵyly oqiǵalar órt qaýipsizdigi erejelerin saqtamaýdyń saldarynan týyndap jatady. Sondyqtan turǵyndarǵa barynsha abai bolýy qajettigin eskertemiz», - dep habarlady vedomstvo ókilderi.
