شىعىس قازاقستان وبلىسى گلۋبوكوە اۋدانىندا جەر ٷيدە ٶرت شىعىپ, 2 ادام كٶز جۇمدى, دەپ حابارلايدى قازاقپارات تٸلشٸسٸ.
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 30 قاراشادا ساعات 06.37-دە بەلوۋسوۆكا كەنتٸندەگٸ ميرا كٶشەسٸندە ورنالاسقان جەر ٷيدە ٶرت شىققان. قىزىل جالىن ٷي قابىرعاسىن, جيھازداردى, تۇرمىستىق تەحنيكا مەن جەكە زاتتاردى شارپىدى. قۇتقارۋشىلار ٶرتتٸ سٶندٸرۋ بارىسىندا 1948 جىلعى ەر ادام مەن ەيەلدٸڭ مەيٸتٸن تاپتى.
كٶپ ۇزاماي 70 شارشى مەترگە جايىلعان تٸلسٸز جاۋ اۋىزدىقتالدى. سونىمەن قاتار ٶرت سٶندٸرۋشٸلەر ٷي ٸشٸنەن 2 گاز باللونىن الىپ شىققان. ٶرتتٸ ٶشٸرۋگە جەكە قۇرامنان 9 ادام مەن 5 تەحنيكا جۇمىلدىرىلدى. التىن الا مەلٸمەت بويىنشا ٶرتتٸڭ شىعۋىنا – تەمەكٸ شەگۋ كەزٸندەگٸ ابايسىزدىق سەبەپ بولعان.
«ٶڭٸردە جىل باسىنان بەرٸ جەر ٷيدەگٸ ٶرتتەن 46 ادام كٶز جۇمدى. كٶپ جاعدايدا قايعىلى وقيعالار ٶرت قاۋٸپسٸزدٸگٸ ەرەجەلەرٸن ساقتاماۋدىڭ سالدارىنان تۋىنداپ جاتادى. سوندىقتان تۇرعىندارعا بارىنشا اباي بولۋى قاجەتتٸگٸن ەسكەرتەمٸز», - دەپ حابارلادى ۆەدومستۆو ٶكٸلدەرٸ.
