Foto: gov.kz
Ermek Kósherbaev Shyǵys Qazaqstan oblysynyń ákimi bolyp taǵaiyndaldy, - dep habarlaidy "Ult aqparat" Aqordanyń baspasóz qyzmetine silteme jasap.
"Ermek Bedelbaiuly Kósherbaev Shyǵys Qazaqstan oblysynyń ákimi bolyp taǵaiyndalsyn, ol Qazaqstan Respýblikasynyń Resei Federatsiiasyndaǵy tótenshe jáne ókiletti elshisi laýazymynan bosatylsyn", - delingen Jarlyq mátininde.
Ermek Kósherbaev týraly ne belgili?
Ol 1965 jyly 2 mamyrda Almaty qalasynda dúniege kelgen.
1988 jyly Kirov atyndaǵy Qazaq memlekettik ýniversitetin jáne 1993 jyly KSRO Diplomatiialyq akademiiasyn halyqaralyq qatynastar jáne syrtqy saiasat mamandyǵy boiynsha támamdaǵan.
Eńbek jolyn 1988 jyly Almatydaǵy № 170 orta mektepte tarih páni muǵalimi bolyp bastaǵan.
1988-1991 jyldary - QazSSR Syrtqy ister ministrliginiń qupiia is qaǵazdaryn júrgizý boiynsha aǵa inspektory, ekinshi hatshysy, birinshi hatshysy, Syrtqy ister ministriniń kómekshisi;
1993-1994 jyldary - QR Syrtqy ister ministrliginiń memlekettik protokol basqarmasynyń birinshi hatshysy, bólim meńgerýshisi;
1994–1996 jyldary Qazaqstan Respýblikasy Prezidenti Apparatynyń Halyqaralyq bóliminiń konsýltanty, Prezidenttiń Protokol qyzmetiniń basshysy bolǵan.
1996–1997 jyldary Qazaqstan Respýblikasynyń Shveitsariia Konfederatsiiasyndaǵy Elshiliginiń birinshi hatshysy, Syrtyq ister ministrligi Kópjaqty yntymaqtastyq departamentiniń bólim bastyǵy laýazymdaryn atqarǵan.
1997–1999 jyldary Qazaqstan Respýblikasy Premer-Ministriniń kómekshisi bolǵan.
2000–2010 jyldary kommertsiialyq qurylymdarda basshylyq qyzmetterde jumys istegen.
2010–2014 jyldary Shyǵys Qazaqstan oblysy ákiminiń orynbasary, birinshi orynbasary bolǵan.
2014-2018 jyldary Aýyl sharýashylyǵy ministriniń orynbasary, Aýyl sharýashylyǵy ministrliginiń jaýapty hatshysy laýazymdarynda qyzmet etken.
2018–2020 jyldar aralyǵynda Syrtqy ister ministrliginiń jaýapty hatshysy, Syrtqy ister ministriniń orynbasary laýazymdaryn atqarǵan.
2020 jylǵy qańtardan bastap búginge deiin Qazaqstan Respýblikasynyń Resei Federatsiiasyndaǵy Tótenshe jáne Ókiletti Elshisi boldy.
"Eren eńbegi úshin" medalimen, "Qurmet" ordenimen marapattalǵan.
Tótenshe jáne Ókiletti Elshi diplomatiialyq dárejesi bar.
Sondai-aq ol qazaq, orys, aǵylshyn jáne káris tilderin biledi.
Úilengen, 2 balasy bar: uly – Dastan (1988), qyzy – Dámeli (1993);
Jubaiy – Dinara Markenqyzy Shaijúnisova.
