Foto: Akorda.kz
Memleket basshysy «Qazaqstan Respýblikasynyń ákimshilik-aýmaqtyq qurylysynyń keibir máseleleri týraly» Jarlyqqa qol qoidy, dep habarlaidy "Ult aqparat" Aqordanyń resmi saityna silteme jasap.
«Qazaqstan Respýblikasynyń ákimshilik-aýmaqtyq qurylysynyń keibir máseleleri týraly
«Qazaqstan Respýblikasynyń ákimshilik-aýmaqtyq qurylysy týraly» Qazaqstan Respýblikasy Zańynyń 9-babyna sáikes QAÝLY ETEMIN:
1. Shyǵys Qazaqstan oblysy Qatonqaraǵai aýdanynyń ákimshilik ortalyǵy Shyǵys Qazaqstan oblysy Qatonqaraǵai aýdanynyń Úlken Naryn aýylynan Qatonqaraǵai aýylyna kóshirilsin.
2. Shyǵys Qazaqstan oblysynyń quramynda:
1) Qatonqaraǵai aýdanynyń quramynan bólý jolymen ákimshilik ortalyǵy Úlken Naryn aýylynda ornalasatyn Úlken Naryn aýdany;
2) Kúrshim aýdanynyń quramynan bólý jolymen ákimshilik ortalyǵy Marqakól aýylynda ornalasatyn Marqakól aýdany qurylsyn.
3. Abai oblysynyń quramynda:
1) Úrjar aýdanynyń quramynan bólý jolymen ákimshilik ortalyǵy Maqanshy aýylynda ornalasatyn Maqanshy aýdany;
2) Semei qalasynyń quramynan Abyraly, Ainabulaq, Aqbulaq, Alǵabas, Ertis, Novobajenovo, Ozerka, Prirechnyi, Jienáli, Dostyq, Qaraóleń, Kókentaý aýyldyq okrýgteri men Shúlbi, Shaǵan kentterin bólý jolymen ákimshilik ortalyǵy Semei qalasynyń aýmaǵynda ornalasatyn Jańasemei aýdany qurylsyn.
4. Ortalyq memlekettik organdar, Shyǵys Qazaqstan jáne Abai oblystarynyń jergilikti ókildi jáne atqarýshy organdary ortalyq memlekettik organdardyń tiisti aýmaqtyq bólimsheleriniń, jergilikti ókildi jáne atqarýshy organdar men uiymdardyń irkilissiz jáne tiimdi jumys isteýin qamtamasyz etý jóninde sharalar qabyldasyn.
5. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
6. Osy Jarlyq 2024 jylǵy 1 qańtardan bastap qoldanysqa engiziledi jáne resmi jariialanýǵa tiis», — delingen Jarlyqta.
