«Qazaqstan biligi osy dúisenbide óz óndirisindegi Covid-19 preparatymen halyqty jappai vaktsinalaýdy bastaǵanyn málimdedi», dep jazady Shveitsariianyń swissinfo.ch basylymy.
QazAqparat oqyrman nazaryna osy materialdyń aýdarmasyn usyndy:
«Densaýlyq saqtaý ministri Aleksei Tsoi QazVac ulttyq vaktsinasyn alǵashqylardyń biri bolyp aldy», - delingen vedomstvo habarlamasynda.
Ministrdiń vaktsinatsiiasy teledidar men áleýmettik jelilerde tikelei efirde kórsetildi. Preparattyń alǵashqy partiiasyn - 50 000 dozany Qazaq ǵylymi-zertteý institýtynyń biologiialyq qaýipsizdik problemalary bólimi shyǵardy. Keiinnen óndiristi aiyna 500 000-600 000 dozaǵa deiin arttyrý kútilýde.
Biliktiń aitýynsha, qazaqstandyq vaktsinanyń klinikaǵa deiingi synaqtary 2020 jyldyń mamyr aiynda, koronavirýs pandemiiasynyń bastalýynan eki ai ótken soń bastalǵan. Keiingi synaqtar, jergilikti BAQ-ta jariialanǵan nátijelerge sáikes, belsendi emes virýspen daiyndalǵan. QazVac 96% tiimdiligin kórsetti.
Qazirgi ýaqytta Nur-Sultan osy eldegi vaktsinalardyń bir bóligin oraý týraly Túrkiiamen kelissózder júrgizýde, al ońtústik-shyǵysta Jambyl oblysynda jańa zaýyt salynýda. Búgingi tańda Qazaqstanda COVID-19-dan 362 000-nan astam aýrý jáne 3315 ólim tirkelgen. Ortalyq Aziiadaǵy eń iri eldiń turǵyndaryn reseilik Sputnik V preparatymen vaktsinatsiialaý 1 aqpanda bastaldy jáne búgingi kúni 900 myńǵa jýyq azamat immýnizatsiialandy. 2021 jyldyń sońyna deiin Qazaqstan alty million adamǵa vaktsina egýdi josparlap otyr.
