Shveitsariianyń federaldy qoǵamdyq densaýlyq saqtaý basqarmasy birqatar eldi karantin tiziminen shyǵardy. Onyń ishinde Qazaqstan da bar, dep habarlaidy "Ult aqparat".
Shveitsariia 2020 jyldyń 7 qyrkúieginen bastap osyndai sheshim qabyldap otyr. Buǵan deiin belgili bir memleketter men aimaqtardan kelgen azamattardy ondaǵy bilik karantinge jatqyzatyn.
Osylaisha Shveitsariia karantin tiziminen 55 memleketti alyp tastady. Qazaqstanmen qatar ol tizimde Braziliia, Ýkraina, Chili, Boliviia men taǵy birqatar el bar. Memleketterdiń tolyq tizimin myna siltemeden kórýge bolady.
