Shvetsiianyń bas epidemiology Anders Tegnell koronavirýspen kúreste ózi usynǵan ádistiń qate bolǵanyn moiyndady. Ol elde karantin jariialaýǵa qarsy bolǵan edi, dep habarlaidy "Ult aqparat".
«Bul indet týraly qazir biletin málimetterimizdi sol kezde bilgende biz qazirgi Shvetsiiada jasalǵan is-áreketter men búkil álemdegi karantinniń ortasyndaǵy dara joldy ustanatyn edik», - dedi Tegnell Shved radiosyna bergen suhbatynda.
Epidemiologtyń pikirin ózgertýine elde pandemiiadan kóz jumǵandardyń tym kóptigi sebep boldy.
«Bizdiń Shvetsiiada qoldanǵan ádisimizdi budan góri jetildirip, áldeqaida jaqsartýǵa bolatyn edi», - dep atap ótti ol.
Jýrnalistiń «Shvetsiiada koronavirýstan kóp adam mezgilsiz qaitys boldy dep sanaisyz ba?» degen suraǵyna bas epidemiolog «Iá, ol ras» dep jaýap berdi.
Aita keteiik, Djons Hopkins ýniversiteti taratqan málimetke sensek, Shvetsiiada 40 803 adam koronavirýs juqtyrǵan. Onyń ishinde 4542 adam qaitys boldy.
