Qazaqstan áielder quramasynyń kapitany Iaroslava Shvedova Rim WTA 1000 týrniriniń úshinshi ainalymyna shyǵa almady, dep habarlaidy "Ult aqparat".
Dúniejúzilik reitingte 665-orynda turǵan Ia.Shvedova Italiia ashyq chempionatynyń ekinshi ainalymynda álemniń 1-raketkasy, aýstraliialyq Eshli Bartimen kezdesti.
E.Barti birinshi partiiany 6:4 esebimen utsa, ekinshi sette onyń basymdylyǵy anyq baiqaldy – 6:1.
Báseke 1 saǵat 18 minýtqa sozyldy.
Aýstraliialyq tennisshi match barysynda 7 eis jasap, 6 breik-pointtyń beseýin paidalana bildi. Birde-bir eis jasamaǵan Ia.Shvedova 6 breik-pointtyń tek ekeýin ǵana óz paidasyna asyra aldy.
E.Barti úshinshi ainalymda frantsiialyq Karolin Garsiia nemese reseilik Veronika Kýdermetovanyń bireýimen sheberlik baiqasady.
Júlde qory 1,8 mln AQSh dollarynan asatyn Rim jarysy 16 mamyrda márege jetedi.
Ótken jyly bul dodada rýmyniialyq Simona Halep chempion atanǵan bolatyn.
