Qala ákiminiń orynbasary Erjan Babaqumarov shuǵyl keńeste mektepter men balabaqshalarda janjaldardyń aldyn alý boiynsha túbegeili sharalar qabyldaýdy tapsyrdy, dep habarlaidy QazAqparat.
Aýdan ákimi orynbasarlarynyń, qalalyq basqarma jáne aýdandyq bilim bólimderi, balabaqsha, mektep basshylarynyń qatysýymen ótken keńeste bilim berý salasynyń ózekti máseleleri talqylandy.
Erjan Babaqumarov Bilim basqarmasynyń basshysyna bilim berý uiymdarynda zorlyq-zombylyqtyń aldyn alý, anyqtaý jáne den qoiý boiynsha uiymdastyrýshylyq-basqarý sharalaryn ázirleýdi, qabyldaýdy jáne aqparattyq-aǵartýshylyq jumys júrgizýdi tapsyrdy.
Sharalar paketin mektepter men balabaqshalardyń basshylyǵy men pedagogikalyq ujymdary ata-analarmen, balalarmen, joǵary turǵan organdarmen jáne balalardyń quqyqtaryn qorǵaý jónindegi áriptestik uiymdarmen, sondai-aq ÚEU-men tyǵyz yntymaqtastyqta iske asyrý qajet.
Almaty ákiminiń orynbasary Erjan Babaqumarovtyń tapsyrmasy boiynsha qalanyń barlyq bilim berý mekemeleriniń basshylary úi-jailar men uiym aýmaǵynyń qaýipsizdigin qamtamasyz etýi tiis.
Sonymen qatar, bilim berý uiymynyń áleýmettik-psihologiialyq ahýalyna taldaý jasaý jáne zorlyq-zombylyq qatynastarynda basshylyqtyń, oqytýshylar quramynyń, stýdentter men ata-analardyń jalpy saiasatyn ázirleý qajet.
Sondai-aq normativtik qujattardy, minez-qulyq erejelerin, laýazymdyq nusqaýlyqtardy, is-qimyl algoritmderin ázirleý jáne qabyldaý, zorlyq-zombylyq jaǵdailaryn boldyrmaýǵa, anyqtaýǵa jáne den qoiýǵa jaýaptylardy taǵaiyndaý tapsyryldy.
Bilim berý uiymyn psihologiialyq qoldaý qyzmetin reformalaýǵa jáne zorlyq-zombylyqtan zardap shekkenderge, quqyq buzýshylar men kýágerlerge kómek kórsetý úshin áriptestik uiymdardy jáne olarmen ózara is-qimyl tetikterin aiqyndaýǵa erekshe nazar aýdarý qajet.
Bilim berý basqarmasyna bilim berý mekemeleriniń jailylyq, inkliýzivtilik jáne qaýipsizdik deńgeiine turaqty monitoring júrgizý tapsyryldy.
Sondai-aq balalardyń qaýipsizdigin qamtamasyz etý jáne quqyqtaryn qorǵaý máselelerinde aýdan ákimderi orynbasarlarynyń, bilim basqarmasy qyzmetkerleriniń, aýdandyq bilim bólimderi basshylarynyń jáne bilim berý uiymdary basshylarynyń jaýapkershiligin kúsheitý júkteldi.
Erjan Babaqumarov atalǵan sharalar zorlyq-zombylyq jáne onyń saldary týraly habardar bolýdy arttyrýǵa baǵyttalǵanyn atap ótti.
Bul rette destrýktivti kórinisterge qarsylyqtyń tiimdiligin arttyrýǵa, onyń ishinde jeke jáne áleýmettik daǵdylar men pedagogikalyq quzyretterdi damytý arqasynda oqytý boiynsha jumys júrgizý qajet.
