Áleýmettik jelilerde bir top jigit kúshtep kólikke otyrǵyzyp jatqan qyzdyń videosy tarady. Onda qyz qarsylyq bildirgeni ári adamdardy kómekke shaqyrǵany kórinedi, - dep habarlaidy Tengrinews.kz.
Jazbaǵa pikir bildirýshiler oqiǵa Jambyl oblysy Shý qalasynyń temirjol vokzalynda bolǵanyn aitty. Sondai-aq, olardyń aitýynsha, kýágerler qyz urlaý sátin videoǵa túsirip alýy múmkin.
Videoǵa qatysty Shý aýdandyq politsiia bóliminiń qyzmetkerleri pikir bildirdi.
"Jigit pen qyz oqiǵanyń mán-jaiyn anyqtaý jáne túsinikteme alý úshin aýdandyq politsiia bólimine shaqyryldy. Olar birge jumys isteitinin jáne shamamen, alty aiǵa jýyq ýaqyt kezdeskenin aitty. Qyz oqiǵany videoǵa túsirgen, óitkeni ol Shýǵa tek jigittiń ata-anasymen tanysýǵa barǵan. Al jigiti birden toi jasaýǵa sheshim shyǵarǵan, biraq qyz oǵan daiyn bolmaǵan", - dedi tártip saqshylary.
Qyz aryz jazýdan bas tartqany aityldy.
"Qazir jup qyzdyń úiine baryp, ata-anasymen tanysyp, salt-dástúrge sai onyń qolyn suraidy", - dedi politsiia qyzmetkeri.
