Jambyl oblysynda 40 jastaǵy turǵynnyń kóliginen 300 kelige jýyq keptirilgen marihýana tabyldy, dep habarlaidy "Ult aqparat".
Bul týraly oblystyq politsiia departamentiniń baspasóz qyzmeti málimdedi.
«Patrýl politsiia batalonynyń qyzmetkerleri Birlik-Moiynqum-Ulanbel tas jolynyń 33-shaqyrymynda Shý qalasynyń 40 jastaǵy turǵyny aidap kele jatqan «Toyota Runner» avtokóligin ustady. Kólikten jalpy salmaǵy 287,5 keli bolatyn 12 qap keptirilgen marihýana tabylyp, tárkilendi» delingen vedomstvo habarlamasynda.
Qazirgi ýaqytta atalǵan derek boiynsha Qylmystyq kodekstiń 297-baby 3-bóligimen sotqa deiingi tergeý amaldary júrgizilýde. Kúdikti Taraz qalasynyń ýaqytsha ustaý izoliatoryna qamalǵan.
