Sýret: Jambyl oblysy PD
Jambyl oblysynda nashaqorlyqqa qarsy kúres ailyǵy sheńberinde is-sharalar qarqyndy túrde júrgizilýde. Onyń ishinde jabaiy qarasorany vegetativti jetilýine deiin joiýǵa erekshe nazar aýdarylyp otyr, dep habarlaidy "Ult aqparat" Jambyl oblysy PD baspasóz qyzmetine silteme jasap.
Ótken jyly jasalǵan jańa karta politsiiaǵa Shý alqabyndaǵy jabaiy qarasora ósetin naqty aýmaqtardy júieli baqylaýǵa múmkindik berdi. Politseiler ár ýchaskeni muqiiat zerdelep, jabaiy qarasorany joiý jumystaryn tiimdi uiymdastyrýda. Ótken aptada 1,8 gektar jerde orý jáne órteý arqyly 2 tonna 150 keli jabaiy qarasora joiyldy.
"Esirtkige qarsy is-sharalar keshenine jabaiy qarasorany daiyndap, áketýdiń aldyn alý ǵana emes, onyń jappai plantatsiialaryn joiý da kiredi. Ósýdiń negizgi oshaqtary – qaraýsyz qalǵan baqshalar, maqsatyna sai paidalanylmaityn aýylsharýashylyq alqaptary. Biz himiialyq óńdeýdi júrgizbeimiz, óitkeni bul ekologiiaǵa ziiandy. Shópti shabý tiimdiligi jaǵynan himiialyq zattardan tómen, biraq áli de tiimdi ádis bolyp tabylady. Biz jyl saiyn qarasoranyń vegetativti jetilýine deiin barlyq protsedýralardy oryndaýǵa tyrysamyz. Bizdiń jumysymyzǵa túsinistikpen qaraityn aýyl turǵyndaryna alǵysymyzdy bildiremiz", - dedi Politsiia departamentiniń Esirtki qylmysyna qarsy is-qimyl basqarmasynyń bastyǵy Álim Bajyqbaev.
Ótken jyly Jambyl oblysynyń aýmaǵynda 220 tonnadan astam jabaiy qarasora joiyldy.
