Foto: Akorda.kz
Germaniia Prezidenti Frank-Valter Shtainmaier Qazaqstan azamattary úshin viza talaptaryn jeńildetý máselesine pikir bildirdi, dep habarlaidy "Ult aqparat" Aqordanyń baspasóz qyzmetine silteme jasap.
«Bul - óte mańyzdy aspekt. Qazaqstan azamattarynyń Germaniiaǵa kelýin jáne Germaniia azamattarynyń Qazaqstanǵa kelýin anaǵurlym jeńildetetin múmkindikterdi qarastyrýǵa biz de múddelimiz. Ózińizge málim, viza máselesi Eýropalyq Odaq deńgeiinde, eýropalyq vedomstvolar deńgeiinde qarastyrylady. Sondyqtan biz bul másele boiynsha EO ustanymyn quptaimyz», - dep atap ótti Germaniia Prezidenti.
Sondai-aq ol nemis jáne qazaq kásipkerleri birlesken jobalardy júzege asyrý úshin qandai qarjy kózderine júgine alatyny jóninde aitty.
«Germaniia biznesi qazir ózgeris ústinde. Bul jaǵdai, ásirese, shikizatqa birjaqty táýeldilik bar ekenin anyq kórsetti. Shikizat kózderin jáne olardy jetkizý tizbegin ártaraptandyrý qajet. Bul qazir germaniialyq kásiporyndar úshin asa ózekti másele. Olar jańa qoldaý sharalaryn izdep, jańa kelisimsharttar jasaýǵa tyrysyp jatyr» - dedi Shtainmaier.
