Shri-Lanka sýlarynda, Kolombodan 14 mil jerde, Singapýrdyń jalaýyn kótergen X-Press Pearl konteiner kemesindegi 20 mamyrda bastalǵan órt jalǵasýda. Keme bortynda syiymdylyǵy 25 tonnalyq azot qyshqyly, plastmassa jáne himikat toly 1486 konteiner bar, dep habarlaidy Daily Mirror gazeti.
Basylymnyń habarlaýynsha, Úndistannyń jaǵalaý kúzetiniń úsh kemesi, Shri-Lanka Áskeri-teńiz kúshteriniń bir kemesi jáne birneshe jeke keme jalyndy oqshaýlaýǵa tyrysýda. Órt sóndirýge arnalǵan materialdar áskeri tikushaqtan X- Press Pearl kemesine tastalýda. Buǵan Eýropadan sársenbide jetkizilgen arnaiy tehnika qoldanylyp jatyr. Bilik jergilikti balyqshylarǵa teńizge shyqpaýǵa keńes berdi.
Júk tasýshy keme álemdegi eń iri jalpy maqsattaǵy júkterdi tasityn teńiz tasymaldaýshylarynyń biri X-Press Feeders kompaniiasyna tiesili.
25 adamnan turatyn X-Press Pearl ekipajyndaǵylar evakýatsiialandy. Olardyń ishinde Resei, Úndistan, Qytai jáne Filippin azamattary bar. Daily Mirror gazetiniń habarlaýynsha, eki teńizshi aýrýhanaǵa jatqyzyldy.
Konteiner kemesindegi órt 20 mamyrda bastalǵan. Bir kúnnen keiin qatty jeldiń áserinen kemede órt kúsheie tústi. Saldarynan X-Press Pear bortynda jarylys bolyp, korpýsy bólshektenip ketti.
