Shri-Lanka shetelden jolaýshylardyń elge kelýine 10 kúnge tyiym saldy.
Bul týraly "Ult aqparat" QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalyna silteme jasap habarlaidy.
Eldiń azamattyq aviatsiia basqarmasynyń habarlaýynsha, mundai shara kúrdeli epidemiologiialyq jaǵdaidy baqylaý úshin qolǵa alynyp otyr. «Jabyq aspan» rejimi 21-31 mamyr aralyǵynda jumys isteidi.
Singapýr biligi Facebook pen Twitter-den koronavirýstyń «singapýrlyq nusqasy» týraly habarlamalardy jalǵan aqparat dep belgileýdi talap etti. Áleýmettik jelilerdiń biri zańdy mindettemelerge sáikes mundai eskertýdi shyǵaratyndyǵyn málimdedi. Memlekettiń densaýlyq saqtaý ministrligi infektsiianyń «singapýrlyq» mýtatsiiasynyń joq ekenin atap ótti. Sońǵy aptalarda COVID-19-dyń tek Úndistanda alǵash ret tabylǵan nusqasy anyqtalǵan.
Egipet COVID-19 infektsiiasynyń taralýyna jol bermeýge baǵyttalǵan shekteý sharalaryn mamyr aiynyń sońyna deiin uzartty. Dúkender, saýda ortalyqtary men meiramhanalar jergilikti ýaqyt boiynsha tek saǵat 21: 00-ge deiin jumys istei alady. Al qoǵamdyq saiabaqtar men jaǵajailarǵa kirýge ruqsat berilgen. Biraq shekteý rejiminiń birqatar talabyn saqtaý mindetti. Egipet Arab Respýblikasy koronavirýstyq infektsiianyń úshinshi tolqynymen kúresýde.
Islandiialyq Dadi og Gagnamagnid toby músheleriniń biri koronavirýs infektsiiasyn juqtyrǵandyqtan, komanda Rotterdamdaǵy «Evrovidenie» án baiqaýynda óner kórsetpeitin boldy. Top óz áriptesinsiz án aitpaýdy jón sanady. Ujymnyń «10 jyl» áni konkýrsta qalady. Ol II jartylai finalda beine formatta oryndalady.
«Úndi» virýsynyń mýtatsiiasy Kiprge enip ketti, dep habarlaidy memlekettiń densaýlyq saqtaý ministrligi. KVI 4 adamda rastalǵan. Olar qazir qonaqúilerge karantinge jatqyzyldy. DDU málimetteri boiynsha B. 1.617 nusqasy 40-tan astam elde tabyldy. Kipr biligi COVID-19 taralýyn vaktsinatsiia arqyly toqtatpaq. Qazirgi ýaqytta eldegi eresek turǵyndardyń 45% kem degende bir ekpe jasaǵan.
