Basshy parany ashkózdikten, qarapaiym maman qajettilikten alady degen qoǵamdyq pikir ádil bolyp kórinedi. Bul týraly búgin QR Sybailas jemqorlyqqa qarsy is-qimyl agenttiginiń alqa májilisinde vedomstvo basshysy Alik Shpekbaev aitty, dep habarlaidy "Ult aqparat".
Agenttik basshysy óz sózinde Singapýr, Gonkong, Eýropa siiaqty sybailas jemqorlyq deńgeii tómen elderde jalaqy kólemin túbegeili arttyrý sybailas jemqorlyqty joiýdyń negizgi sharty bolǵanyn, memlekettik apparatqa joǵary bilikti kadrlardyń kelýin qamtamasyz etkenin mysalǵa keltirdi.
«Qazaqstannyń qazirgi shynaiy ómirine oralsam, sońǵy 5 jylda sybailas jemqorlyq úshin qylmystyq jaýapkershilikke tartylǵandardyń 75 paiyzy – bular jalaqysy tómen orta jáne tómengi býyndaǵy memlekettik qyzmetkerleri. Osy oraida basshylar parany ashkózdikten, al qarapaiym maman qajettilikten jáne tyǵyryqqa tirelgendikten alatyndyǵy týraly qoǵamdyq pikir barynsha ádil bolyp kórinedi», - dedi A.Shpekbaev.
Eske salsaq, buǵan deiin Shpekbaev memqyzmetshilerdiń jalaqysyn 2 ese kóterý múmkindigi týraly aitqan bolatyn.
