Qazaqstannyń memlekettik qyzmetshilerine baspana alýda, zeinetaqy taǵaiyndaýda, balabaqshadan oryn alýda jáne óńirlerdegi saýyqtyrýda jeńildikter berý sharalary ázirlenip jatyr.
Bul týraly Memlekettik qyzmet isteri jáne sybailas jemqorlyqqa qarsy kúres agenttiginiń tóraǵasy Alik Shpekbaev málim etti, dep habarlaidy QazAqparat tilshisi.
"Qazirgi ýaqytta agenttik Prezident ákimshiliginiń qoldaýymen memlekettik qyzmetshilerge baspana alýda, zeinetaqy taǵaiyndaýda, balabaqshadan oryn alýda jáne óńirlerdegi saýyqtyrýǵa jaǵdai jasaý úshin jeńildikter berý sharalaryn ázirlep jatyr. Memleket basshysynyń bes áleýmettik bastamasy, "7-20-25" baǵdarlamasy bar. Degenmen, Turǵyn úi qurylys jinaq bankimen birlesip, paiyzdyq mólsherlemeni tómendetýge baǵyttalǵan «5-5-25» baǵdarlamasy jasalýda. Meniń oiymsha, bul tásilder memlekettik qyzmet úshin qolaily bolady", - dedi Alik Shpekbaev Astanada memlekettik qyzmetti jetildirýge arnalǵan halyqaralyq konferentsiiada.
Buǵan deiin Alik Shpekbaev 2019 jyldan bastap, memlekettik qyzmetshilerdiń jalaqysy jańa júiemen tólenetinin, eńbekaqynyń edáýir ulǵaiatynyn habarlaǵan edi.
