Qazaqstandyqtardyń jartysynan kóbi paraqorlyq deńgeiiniń tómendegenin atap ótken. Bul týraly elordada ótken V jyl saiynǵy sybailas jemqorlyqqa qarsy konferentsiiada aityldy, dep habarlaidy QazAqparat.
«Elimizde jemqorlyqqa qarsy reformalar boiynsha júieli jumystar júrgizilip jatyr. Sarapshylar Qazaqstandaǵy jemqorlyq jaǵdaiyna qatysty saraptama júrgizdi. Elimizdegi azamattardyń jartysynan kóbi sońǵy jyldary jemqorlyq deńgeii tómendegenin aitqan. Al saýalnamaǵa qatysqan 76-dan astam kásipker Qazaqstanda kásibińdi tek zań aiasynda damytýǵa bolatynyn aitqan», - dedi QR Sybailas jemqorlyqqa qarsy is-qimyl agenttiginiń basshysy Alik Shpekbaev.
Onyń aitýynsha, Dúniejúzilik bank álemdegi 214 eldiń memlekettik basqarý indikatory aiasynda «Jemqorlyqty baqylaý» kórsetkishin egjei-tegjeili zertteidi.
«Sońǵy málimetterge sáikes, Qazaqstan TMD elderin basyp ozyp, atalmysh indikator boiynsha óziniń eń jaqsy nátijesin kórsetti. Az nárse istelgen joq. Biraq biz munymen toqtap qalmaimyz. Bul konferentsiia jemqorlyqtyń aldyn alý deńgeii men sapasyna tikelei qatysty máselelerge arnalǵan», - deidi ol.
