Norvegiiada sarymaiǵa arnalǵan pyshaqpen túrmeniń beton qabyrǵasyn oiyp otyryp, sol orynnan qashyp ketken qylmysker ekstraditsiialandy, dep habarlaidy "Ult aqparat".
Jergilikti «Dagbladet» basylymynyń jazýynsha, Albaniia azamaty Norvegiiadaǵy túrmeden alty jyl buryn qashyp ketken. Ol Germaniiada ustalyp, osy aptada Norvegiiaǵa qaitaryldy.
Qashqynnyń álemdegi eń jaily abaqtylardyń biri sanalatyn túrmeden nelikten qashqany ázirge belgisiz. Óitkeni Norvegiia Koroldiginiń penitentsiarlyq mekemeleriniń «kýrort» atanǵany da tegin emes.
Hedmark provintsiiasynyń abaqtysyna jabylǵan qylmysker 2013 jyly beton qabyrǵany sarymaiǵa arnalǵan pyshaqpen oiyp otyryp, tesik jasap qashyp ketken. Sonysyna qarai, qashqynnyń «Shoýshenkten qutylý» filmin kórip alyp, siýjettegi jaǵdaidy qaitalaǵan bolýy múmkin degen joramaldar aitylyp jatyr.
Albaniialyq qylmyskerdiń advokaty onyń alty jyl qashqynda júrip nemen ainalysqany týraly suraqqa jaýap berýden bas tartty. Qorǵaýshynyń aitýynsha, esirtki isi boiynsha sottalǵan qylmysker aldyn ala tergep-tekserý kezinde bostandyqqa shyǵatynyna úmit etip otyr.
