Búgin Solt-Leik-Sitide (AQSh) short trekten álem kýbogynyń birinshi kezeńi óz máresine jetti, – dep habarlaidy «Ult aqparat».
QR Ulttyq olimpiadalyq komitetiniń habarlaýynsha AQSh-tyń Solt-Leik-Siti qalasynda short trekten ótken álem kýbogynyń birinshi kezeńinde Abzal Ájiǵaliev qola medalǵa qol jetkizdi.
Atalǵan kýbokte el namysyn qorǵaǵan Abzal Ájǵaliev 500 metr qashyqtyqty 39.881 sekýnd ýaqytta baǵyndyryp, jarystyń qola júldesin qanjyǵasyna bailady. Atalǵan qashyqtyqta bas júldeni qytailyq Ý Datszin jeńip aldy. Al, ekinshi orynǵa majar sportshysy Shandorý Shaoliniý Liý ie boldy.
1000 metr qashyqtyqta el namysyn qorǵaǵan taǵy bir otandasymyz Erkebulan Shamuhanov jarysty 10-shy orynda kelse, Qazaqstan quramasynan taǵy bir sportshysy Mersaid Jaqsybekov jarysty júldesiz aiaqtady.
