Elimizde koronavirýsqa qarsy vaktsina saldyrý - ár azamattyń óz erkinde. Bul týraly QR Densaýlyq saqtaý birinshi vitse-ministri Marat Shoranov aitty, dep habarlaidy "Ult aqparat".
Ortalyq kommýnikatsiialar qyzmetinde ótken baspasóz máslihaty barysynda BAQ ókilderiniń biri memlekettik qyzmetshilerdi vaktsina saldyrýǵa májbúrlep jatqany týraly aqparattyń taraǵanyn aityp, osyǵan qatysty birinshi vitse-ministrden mán-jaidy túsindirýin suraǵan edi.
«Ekpeni óz erkimen kelgen azamattarǵa ǵana salamyz. Vaktsina alǵan adamdarǵa aýrýhanaǵa barǵanda, el aýmaǵynda saparlaǵanda, shetelden elimizge kelse PTR test nátijesi qajet bolmaidy. Iaǵni, olardan mundai shekteýler alyp tastap jatyrmyz. Biraq, bul qosymsha yntalandyrý úshin jasalyp otyr. Bireýlerdi kúshtep vaktsina saldyryp jatyr degen aqparatty ras dep aita almaimyz. Mundai jait oryn alsa, onda ol zańsyz áreket sanalady», - dedi Marat Shoranov.
