Jetisý oblysynyń ákimdigi Panfilov aýdany Sholaqai aýylynda oryn alǵan oqýshy qyzdyń ólimine bailanysty málimdeme jasady. Ákmidiktiń baspasóz hatshysy atalǵan jait ultarazdyq sipatqa ie emes ekendigin eskertti, dep habarlaidy Ulysmedia.kz.
“Búgingi kúni qylmysqa qatysy bar, buryn sottalǵan 38 jastaǵy kúdikti ustalyp, qamaýǵa alyndy. Onyń ústinen kámelet jasyna tolmaǵan qyz balany zorlaý jáne óltirý deregi boiynsha qylmystyq is qozǵaldy.
Politsiia tarapynan tergeý amaldary júrip jatyr. Qylmysyn moiyndaǵan kúdiktige zań aiasynda qatań jaza qoldanylatyn bolady.
Al jekelegen áleýmettik jelilerde qyz balany ulty basqa birneshe azamat zorlap óltirgen degen aqparat shyndyqqa janaspaidy.
Bul jerde ultaralyq máseleniń de esh qatysy joq. Qazir Panfilov aýdanynda jaǵdai turaqty. Oblys ákimshiliginiń, quqyq qorǵaý organdarynyń baqylaýynda”, - dedi Jetisý oblysy ákiminiń baspasóz qyzmetiniń basshysy - baspasóz hatshysy mindetin atqarýshy Dýman Altynbekuly.
Eske salsaq, Jetisý oblysy Panfilov aýdanynda jantúrshigerlik qylmystyń beti ashyldy. 15 jastaǵy oqýshy qyzdy aýyldyń 38 jastaǵy turǵyny zorlap, artynsha óltirip, denesin órtep jibergen. Atalǵan jaitqa bailanysty eldimekenge kúshtik qurylymdar tartyldy.
