Túrkistan oblysynda koronavirýs infektsiiasynyń ekinshi tolqynyna daiyndyq aiasynda meditsinalyq uiymdardy dárilik zattarmen jáne qorǵanysh quraldarymen qamtamasyz etýge 2,1 mlrd teńge bólindi. Bul týraly oblys ákimi Ómirzaq Shókeev QR Prezidenti janyndaǵy Ortalyq kommýnikatsiialar qyzmeti uiymdastyrǵan brifingide málim etti, dep habarlaidy "Ult aqparat".
Ómirzaq Shókeevtiń aitýynsha, oblys aýmaǵynda 557 bólshek saýda dárihanalarynyń qyzmet atqaratyn 238-imen ózara árekettesý týraly memorandýmǵa qol qoiylǵan. PTR-zerthanalarynyń sany 3-ten 9-ǵa deiin artty. Sonymen qatar, 12 jyljymaly meditsinalyq keshen jiyntyǵy satyp alynyp, nátijesinde jyljymaly meditsinalyq keshenmen aýdandardy qamtamasyz etý kórsetkishi 100% quraǵan. Jedel-járdem qyzmetine 122 avtokólik satyp alý josparlanýda. Bul avtokólikter jedel-járdem qyzmeti parkin 96,0% jańartýǵa múmkindik beredi.
«Túrkistan oblysynda indet órshigeli COVID-19 indetin juqtyrǵan 3 430 adam tirkeldi. Olardyń 3 360-y dertinen aiyqty. Qaitys bolǵandar – 46. Sonymen qatar, 1 tamyzdan bastap pnevmoniiaǵa shaldyqqandar sany 812-ge jetti. Meditsina uiymdaryn dárilik zattar men arnaiy qorǵanysh quraldarymen qamtamasyz etý maqsatynda respýblikalyq biýdjetten 1,4 mlrd teńge, oblystyq biýdjetten 0,8 mlrd teńge qarjy qarastyryldy. Atalǵan qarajatqa 361,8 mln teńgege dárilik zattar, 1,6 mlrd teńgege meditsinalyq buiymdar, 185 mln teńgege dezinfektsiialyq eritindiler satyp alyndy», - dedi aimaq basshysy.
Oblys ákiminiń sózinshe, satyp alynǵan quraldardyń 70% ár meditsinalyq mekemelerde, qalǵan 30% oblystyq qoǵamdyq densaýlyq basqarmasynyń qoimasynda qor retinde saqtalǵan. Eki ailyq qor rezervi qalyptastyryldy. Budan bólek, Ózbekstan, BAÁ, Qytai, Resei jáne taǵy basqa memleketterden gýmanitarlyq kómek retinde kelgen dárilik zattar men jeke qorǵanysh quraldary meditsinalyq uiymdarǵa taratyldy.
«Óńirde turǵyndardyń dárilik zattar men meditsinalyq buiymdarǵa qoljetimdiligin qamtamasyz etý maqsatynda jergilikti turaqtandyrý qory quryldy. Jalpy oblys aýmaǵynda 557 bólshek saýda dárihanalarynyń qyzmet atqaratyn 238-men ózara árekettesý týraly memorandýmǵa qol qoiyldy. Oblysta meditsinalyq uiymdardyń materialdyq-tehnikalyq bazasy kelesi baǵyttar boiynsha jasaqtaldy. Ókpeni jasandy jeldetý (ÓJJ) apparattarynyń sany 178-den 337-ge deiin artty, ósim 47,1%. Ottegi stantsiiasynyń sany 2 esege artyp, qosymsha 4 stantsiia ornatyldy (8 stantsiia). Sondai-aq, 80 birlik oksigenatsiia apparaty (HI-FLOW) satyp alyndy. Budan bólek, ottegi kontsentratorlarynyń sany 890 birlikke jetip, ósim 95,0% qurady. Oǵan qosa ottegi núkteleriniń sany 9,7 esege artyp, 205-ten 2095 núktege deiin ulǵaidy», - dedi Ómirzaq Shókeev.
Óńir basshysy sondai-aq, oblystyq biýdjet esebinen 1 dana kompiýterlik tomograf pen 3 dana sandyq rentgen apparattary ornatylǵanyn atap ótti. Meditsinalyq uiymdarda pýlsoksimetrdiń qamtamasyz etilýi 190-nan 4 069-ǵa deiin jetip, 95,3% artqan. PTR zerthanalarynyń sany 3 birlikten 9 birlikke deiin ósken. Jedel járdem qyzmeti parkin 96,0% jańartýǵa múmkindik bergen. Búgingi kúnge 56 sanitarlyq avtokólik jetkizilgen. Qalǵan 21 dana 20 qarashaǵa deiin, 45 dana 31 jeltoqsanǵa deiin jetkiziletin bolady dep josparlanyp otyr.
