Shodiev halyqaralyq qory Ózbekstanǵa koronavirýspen kúreske 200 mln dollar bóldi degen aqparat jalǵan. Bul týraly atalǵan qordyń baspasóz qyzmetinen málim etti, dep habarlaidy "Ult aqparat".
«Shodiev halyqaralyq qory Qazaqstannyń áleýmettik jelileriniń keibir paidalanýshylary «Patoh Shodiev Ózbekstannyń koronavirýsqa qarsy is-qimyl sharalaryna 200 mln AQSh dollary kóleminde qarajat bóldi« dep jariialap jatqan málimetterdiń shyndyqqa sai kelmeitindigin resmi málimdeidi», - delingen qor taratqan aqparatta.
Shodiev halyqaralyq qory (ICF) – Patoh Shodiev 1996 jyly negizin qalaǵan úkimettik emes qaiyrymdylyq qory. Qor TMD, Aziia jáne Eýropa elderinde qaiyrymdylyq jobalarymen ainalysady.
