Foto: Polisia.kz
ShQO turǵyny 115 mln teńgege jýyq alaiaqtyq jasady degen kúdikke ilindi, – dep habarlaidy «Ult aqparat» Polisia.kz-ke silteme jasap.
Shyǵys Qazaqstan politseilerine alaiaqtyq týraly ótinishpen oblys ortalyǵynyń turǵyny júgingen. Jábirlenýshige 2020 jyly tanysy “kásibim úshin qajet” degen syltaýmen ony úlken somaǵa aldaǵanyn habarlaǵan.
Er adam ártúrli biznes túrlerimen ainalysqysy keletinin iaǵni, qaita satý úshin avtomobilder satyp alý, metall óndirý úshin ekskavator satyp alý, azyq-túlik jetkizetin firmany, ony paidalaný úshin qymbat sheteldik mashinany satyp alatynyn aityp, sheber aila-sharǵy jasap, jańylystyryp, jábirlenýshiden aqsha alǵany belgili boldy.
Sonymen qatar ol oǵan áigili brendterdiń kóshirmelerin satýǵa kómektesýge ýáde bergen, biraq olardy iemdenip alyp, qaitarmaǵan.
Qazirgi ýaqytta zalaldyń jalpy somasy 114 million teńgeden asady. Politseiler alaiaqtyq faktisi boiynsha qylmystyq is qozǵady. Kúdikti anyqtaldy, ol buryn sottalǵan jáne qazir osyǵan uqsas qylmys jasaǵany úshin qylmystyq jazasyn ótep jatqan 39 jastaǵy Óskemen qalasynyń turǵyny bolyp shyqty.
Qazirgi ýaqytta politsiia qyzmetkerleri tergeý sharalaryn jalǵastyryp jatyr.
