Shyǵys Qazaqstan oblysynyń turǵyndarynan Keńes ýaqytynda saiasi-qýǵyn súrginge ushyraǵan, aqtalmai qalǵan jaqyndary týraly málimet surastyrylyp jatyr, dep habarlaidy "U lt aqparat".
QR Prezidentiniń 2020 jylǵy 24 qarashadaǵy № 456 Jarlyǵyna sáikes, saiasi qýǵyn-súrgin qurbandaryn tolyq aqtaý jónindegi Memlekettik komissiia quryldy. Komissianyń bas maqsaty – keńes dáýiri kezeńiniń barlyq sanattaǵy saiasi qurbandaryna qatysty tarihi ádilettilikti qalpyna keltirý.
Shyǵys Qazaqstan oblysynyń Aqparattyq ortalyǵynan málim etkendei, óńirde saiasi qýǵyn-súrgin qurbandaryn tolyq aqtaý boiynsha óńirlik komissiia jáne jumys toptary quryldy.
Sondai-aq Elektrondyq qyzmetter ortalyǵynyń portalynda «Saiasi qýǵyn-súrginniń aqtalmaǵan qurbandaryn izdestirý» bólimi ashyldy. Onda kez kelgen azamat Keńes dáýiri kezeńinde saiasi ýáj boiynsha jazalanǵan jáne solardan zardap shekken aqtalmaǵan azamattar týraly aqparat qaldyra alady. Málimetter keiin Memlekettik komissiianyń qaraýyna usynylady.
«Repressiiaǵa ushyraǵan týǵan-týystary, túrli sebeptermen aqtalmai qalǵan jaqyndary týraly tiisti aqparatqa ie azamattardan málimetterdi atalmysh bólimge ornalastyrýdy suraimyz», - dedi ShQO Aqparattyq ortalyǵynan.
