Shyǵys Qazaqstan oblysynyń turǵyndary tasjoldardyń birinen jarylǵysh zat salynǵan qaptardy taýyp alǵan, dep habarlaidy "Ult aqparat".
22 shildede áleýmettik jelide Jańǵyztóbe-Aiagóz tasjolynyń mańynda túsirilgen video tarap ketti. Avtordyń aitýynsha, ol jol jieginde jatqan birneshe qapty baiqap qalǵan.
«Biz toqtap, sómkelerge taiaǵanda ań-tań boldyq. Olardyń syrtynda «jarylǵysh zat» dep jazylyp tur eken. Qasynda «elektr toǵynsyz jarý júiesi» degen jazýy bar qoraptardy baiqadyq. Bul degen sumdyq qoi!», - deidi ol.
ShQO Politsiia departamenti baspasóz qyzmetiniń málimetine súiensek, bul video Jarma aýdanynyń aýmaǵynda túsirilgen. Qazirgi ýaqytta atalǵan ýchaskede jóndeý jumystary júrgizilýde.
«Anyqtalǵandai, jarylǵysh zattar jol tósemesin salý úshin sol jerge jetkizilgen. Ony jarý jumystaryn júrgizetin JShS ókilderi ákeldi. Politsiia qyzmetkerleri atalǵan ýchaskede kezekshilik etýde. Turǵyndarǵa tónip turǵan esh qaýip joq», - dep habarlady vedomstvo ókilderi.
