Shyǵys Qazaqstan oblysynyń Semei qalasynda trassadan jasóspirim bala tabyldy, dep habarlaidy QazAqparat tilshisi.
Semei qalalyq Politsiia basqarmasy baspasóz qyzmetiniń málimetine súiensek, 28 qarashada saǵat 16.28-de «102» arnasyna qońyraý shalǵan turǵyn Qaraǵaily kóshesinde ornalasqan jańa sport kesheni mańyndaǵy tasjoldyń boiynda syrt kiimsiz ketip bara jatqan jasy 12-ler shamasyndaǵy bala týraly aitqan.
Anyqtalǵandai, jetkinshek tserebraldy sal aýrýymen aýyrady. Anasy úi jinap júrgen kezde ol syrtqa shyǵyp ketken.
Semei qalalyq Politsiia basqarmasy bastyǵynyń mindetin ýaqytsha atqarýshy Jandarbek Ahmetjanov balany baiqap qalyp, nemqurailyq tanytpai politsiia habar bergeni úshin V.Dýberbaevaǵa alǵys bildirdi.
«Bizdiń qoǵamda osyndai jandardyń bar ekendigi qýantady. Balalar – bizdiń bolashaǵymyz. Sol kúni osy jetkinshektiń mańynan qansha kólik ótse de, eshkim toqtamaǵan. Al V.Dýberbaeva adamgershilik tanytyp, oǵan kómekteskisi keldi», - dedi politsiia podpolkovnigi J.Ahmetjanov.
