شىعىس قازاقستان وبلىسىنىڭ سەمەي قالاسىندا تراسسادان جاسٶسپٸرٸم بالا تابىلدى, دەپ حابارلايدى قازاقپارات تٸلشٸسٸ.
سەمەي قالالىق پوليتسييا باسقارماسى باسپاسٶز قىزمەتٸنٸڭ مەلٸمەتٸنە سٷيەنسەك, 28 قاراشادا ساعات 16.28-دە «102» ارناسىنا قوڭىراۋ شالعان تۇرعىن قاراعايلى كٶشەسٸندە ورنالاسقان جاڭا سپورت كەشەنٸ ماڭىنداعى تاسجولدىڭ بويىندا سىرت كيٸمسٸز كەتٸپ بارا جاتقان جاسى 12-لەر شاماسىنداعى بالا تۋرالى ايتقان.
انىقتالعانداي, جەتكٸنشەك تسەرەبرالدى سال اۋرۋىمەن اۋىرادى. اناسى ٷي جيناپ جٷرگەن كەزدە ول سىرتقا شىعىپ كەتكەن.
سەمەي قالالىق پوليتسييا باسقارماسى باستىعىنىڭ مٸندەتٸن ۋاقىتشا اتقارۋشى جانداربەك احمەتجانوۆ بالانى بايقاپ قالىپ, نەمقۇرايلىق تانىتپاي پوليتسييا حابار بەرگەنٸ ٷشٸن ۆ.دۋبەرباەۆاعا العىس بٸلدٸردٸ.
«بٸزدٸڭ قوعامدا وسىنداي جانداردىڭ بار ەكەندٸگٸ قۋانتادى. بالالار – بٸزدٸڭ بولاشاعىمىز. سول كٷنٸ وسى جەتكٸنشەكتٸڭ ماڭىنان قانشا كٶلٸك ٶتسە دە, ەشكٸم توقتاماعان. ال ۆ.دۋبەرباەۆا ادامگەرشٸلٸك تانىتىپ, وعان كٶمەكتەسكٸسٸ كەلدٸ», - دەدٸ پوليتسييا پودپولكوۆنيگٸ ج.احمەتجانوۆ.
