Shyǵys Qazaqstan oblysynda politsiia qyzmetkerleri urlanǵan bir úiir jylqyny iesine qaitardy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, Jarma aýdandyq politsiia bólimine kelgen Belterek aýylyndaǵy sharýa qojalyǵynyń 27 jastaǵy basshysy qańtar aiynyń ortasynda bir úiir jylqysynyń joǵalyp ketkendigi týraly aryz jazǵan. Anyqtalǵandai, erkin jaiylymnan 24 bas mal urlanǵan.
«Tártip saqshylary jedel-izdestirý sharalaryn júrgizdi. Nátijesinde 15 kúnniń ishinde bir úiir jylqy iesine qaitaryldy. Mal iesi óz kezeginde politsiia qyzmetkerlerine alǵysyn bildirdi», - dedi ShQO PD bastyǵy Saǵat Mádiev.
Osy rette, departament ókilderi mal urlyǵynyń negizgi sebebi maldaryn jaiylymǵa qaraýsyz jiberetin ieleriniń salǵyrttyǵy ekendigin atap ótti. Iesiz jaiylyp júrgen tórt túlik barymtashylar úshin ońai olja. Sonymen qatar qaraýsyz mal jol-kólik oqiǵalaryna da sebepshi bolyp jatady.
