شىعىس قازاقستان وبلىسىندا پوليتسييا قىزمەتكەرلەرٸ ۇرلانعان بٸر ٷيٸر جىلقىنى يەسٸنە قايتاردى, دەپ حابارلايدى "ۇلت اقپارات".
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, جارما اۋداندىق پوليتسييا بٶلٸمٸنە كەلگەن بەلتەرەك اۋىلىنداعى شارۋا قوجالىعىنىڭ 27 جاستاعى باسشىسى قاڭتار ايىنىڭ ورتاسىندا بٸر ٷيٸر جىلقىسىنىڭ جوعالىپ كەتكەندٸگٸ تۋرالى ارىز جازعان. انىقتالعانداي, ەركٸن جايىلىمنان 24 باس مال ۇرلانعان.
«تەرتٸپ ساقشىلارى جەدەل-ٸزدەستٸرۋ شارالارىن جٷرگٸزدٸ. نەتيجەسٸندە 15 كٷننٸڭ ٸشٸندە بٸر ٷيٸر جىلقى يەسٸنە قايتارىلدى. مال يەسٸ ٶز كەزەگٸندە پوليتسييا قىزمەتكەرلەرٸنە العىسىن بٸلدٸردٸ», - دەدٸ شقو پد باستىعى ساعات مەديەۆ.
وسى رەتتە, دەپارتامەنت ٶكٸلدەرٸ مال ۇرلىعىنىڭ نەگٸزگٸ سەبەبٸ مالدارىن جايىلىمعا قاراۋسىز جٸبەرەتٸن يەلەرٸنٸڭ سالعىرتتىعى ەكەندٸگٸن اتاپ ٶتتٸ. يەسٸز جايىلىپ جٷرگەن تٶرت تٷلٸك بارىمتاشىلار ٷشٸن وڭاي ولجا. سونىمەن قاتار قاراۋسىز مال جول-كٶلٸك وقيعالارىنا دا سەبەپشٸ بولىپ جاتادى.
