Shyǵys Qazaqstan oblysy Tótenshe jaǵdailar departamentiniń qutqarýshylary muzda qalyp qoiǵa 6 kóliktegi 15 balyqshyny qutqardy, dep habarlaidy "Ult aqparat" ShQO TJD baspasóz qyzmetine silteme jasap.
Baspasóz qyzmetiniń derekterine qaraǵanda, oqiǵa 15 naýryzda Buqtyrma sý qoimasyndaǵy tabandy qara ýchaskesinde bolǵan.
Arqan men «TREKOL» arnaiy tehnikasynyń kómegimen ShQO TJD jedel qutqarý jasaǵynyń qutqarýshylary qar qursaýyndaǵy 6 kólikti qardan sýyryp alyp, joldyń tazalanǵan ýchaskesine súirep shyǵardy.
Balyqshylar qystaǵy balyq aýlaýǵa kelip jaǵalaýdan 3 shaqyrym jerde aýa raiynyń saldarynan eshqaida shyǵa almai qalǵan. Olarǵa qutqarýshylardyń kómekgi qajet boldy.
ShQO TJD boran soǵatyny týraly aldyn ala eskertý jasaǵan. Qutqarý jumystary aiaqtalǵan kezde balyqshylardyń ózderi azamattarǵa osyndai jaǵdailarǵa tap bolmasy úshin TJ qyzmetiniń keńesterin este saqtaýǵa shaqyrdy.
2021 jylǵy 14-15 naýryz aralyǵynda osy ýchaskeden qutqarýshylar 26 balyqshy men 11 kóliktiń qardan shyǵýyna kómektesken.
«ShQO TJD qolaisyz aýa-raiy kezinde jolǵa shyqpaýdy, aýa raiyna bailanysty jáne joldardyń jaǵdaiy týraly eskertýdi «Darmen» qosymshasynan bilýge bolatynyn eskertedi. Tótenshe jaǵdai kezinde 112 nómirine habarlasyńyz»,-delingen habarlamada.
