شىعىس قازاقستان وبلىسى تٶتەنشە جاعدايلار دەپارتامەنتٸنٸڭ قۇتقارۋشىلارى مۇزدا قالىپ قويعا 6 كٶلٸكتەگٸ 15 بالىقشىنى قۇتقاردى, دەپ حابارلايدى "ۇلت اقپارات" شقو تجد باسپاسٶز قىزمەتٸنە سٸلتەمە جاساپ.
باسپاسٶز قىزمەتٸنٸڭ دەرەكتەرٸنە قاراعاندا, وقيعا 15 ناۋرىزدا بۇقتىرما سۋ قويماسىنداعى تاباندى قارا ۋچاسكەسٸندە بولعان.
ارقان مەن «ترەكول» ارنايى تەحنيكاسىنىڭ كٶمەگٸمەن شقو تجد جەدەل قۇتقارۋ جاساعىنىڭ قۇتقارۋشىلارى قار قۇرساۋىنداعى 6 كٶلٸكتٸ قاردان سۋىرىپ الىپ, جولدىڭ تازالانعان ۋچاسكەسٸنە سٷيرەپ شىعاردى.
بالىقشىلار قىستاعى بالىق اۋلاۋعا كەلٸپ جاعالاۋدان 3 شاقىرىم جەردە اۋا رايىنىڭ سالدارىنان ەشقايدا شىعا الماي قالعان. ولارعا قۇتقارۋشىلاردىڭ كٶمەكگٸ قاجەت بولدى.
شقو تجد بوران سوعاتىنى تۋرالى الدىن الا ەسكەرتۋ جاساعان. قۇتقارۋ جۇمىستارى اياقتالعان كەزدە بالىقشىلاردىڭ ٶزدەرٸ ازاماتتارعا وسىنداي جاعدايلارعا تاپ بولماسى ٷشٸن تج قىزمەتٸنٸڭ كەڭەستەرٸن ەستە ساقتاۋعا شاقىردى.
2021 جىلعى 14-15 ناۋرىز ارالىعىندا وسى ۋچاسكەدەن قۇتقارۋشىلار 26 بالىقشى مەن 11 كٶلٸكتٸڭ قاردان شىعۋىنا كٶمەكتەسكەن.
«شقو تجد قولايسىز اۋا-رايى كەزٸندە جولعا شىقپاۋدى, اۋا رايىنا بايلانىستى جەنە جولداردىڭ جاعدايى تۋرالى ەسكەرتۋدٸ «دارمەن» قوسىمشاسىنان بٸلۋگە بولاتىنىن ەسكەرتەدٸ. تٶتەنشە جاعداي كەزٸندە 112 نٶمٸرٸنە حابارلاسىڭىز»,-دەلٸنگەن حابارلامادا.
