Shyǵys Qazaqstan oblysyna osy jyldyń sońyna deiin Pfizer vaktsinasy jetkizilmek, dep habarlaidy QazAqparat.
ShQO Densaýlyq saqtaý basqarmasy baspasóz qyzmetiniń málimetine súiensek, búginde óńir jurtshylyǵynyń 78,9 paiyzy koronavirýsqa qarsy ekpeniń 1-shi komponentin saldyrdy. Al halyqtyń 64,9 paiyzy vaktsinanyń eki komponentin tolyq alǵan.
Oblysta halyqqa vaktsina saldyrý kórsetkishi boiynsha Úrjar (99,1%), Aiagóz (99,1%) jáne Besqaraǵai (98,9%) aýdandary kósh bastap tur. Al eń sońǵy orynda – Shemonaiha aýdany (66,2%).
«2021 jyldyń sońyna deiin aimaqqa Pfizer vaktsinasy jetkiziledi. Alaida ázirge naqty qansha doza ekeni belgisiz. Bul vaktsina óte sýyq temperatýrada saqtalýy kerek. Sondyqtan ekpeni Óskemen men Semeidegi Qan ortalyqtarynyń muzdatqyshtaryna ornalastyrý kózdelip otyr», - delingen habarlamada.
