Shyǵys Qazaqstan oblysyna Pfizer vaktsinasynyń 35 myńnan astam dozasy jetkizildi, dep habarlaidy QazAqparat.
ShQO Densaýlyq saqtaý basqarmasy baspasóz qyzmetiniń málimetine súiensek, óńirge Pfizer vaktsinasynyń 35 100 dozasy jetkizilgen.
«Qazirgi ýaqytta vaktsina partiiasy Óskemen jáne Semei qalalarynda qabyldanyp alyndy. Onyń ishinde 17 550 dozasyn Semeidegi №1 emhananyń arnaiy daiyndyqtan ótken mamandary qabyldaǵan. Óskemende 17550 doza oblystyq qan ortalyǵyna jetkizildi. Transporttaý jáne qabyldaý barysynda barlyq tiisti erejeler men talaptar qatań saqtaldy», - delingen aqparatta.
Aldaǵy ýaqytta vaktsina oblystyń qalalary men aýdandaryndaǵy meditsinalyq mekemelerge tasymaldanady.
«Vaktsina dozalary jetkizilgen eki mekemede kólemi 300 litrdi quraityn qosymsha eki muzdatqysh jabdyqtar ornatyldy. Aýdandyq meditsinalyq uiymdar da tiisti daiyndyqtan ótip, kólemi 130 litr bolatyn 16 muzdatqyshpen qamtylǵan», - delingen habarlamada.
