Shyǵys Qazaqstan oblysyna sáýir aiynda koronavirýsqa qarsy vaktsinanyń 80 myńnan astam dozasy jetkizilmek, dep habarlaidy "Ult aqparat".
ShQO Densaýlyq saqtaý basqarmasy basshysynyń orynbasary Nurlanǵazy Ibraev onlain formatta ótken baspasóz máslihatynda óńirdegi vaktsinatsiialaý jumystarynyń qalai júrgizilip jatqandyǵyn aityp berdi.
«Sáýir aiynyń sońyna deiin halyqty jappai vaktsinatsiialaýǵa qajetti dozalar jetkiziledi. Adam kóp jinalatyn jerlerde vaktsinatsiia pýnktteri jumysyn bastaidy. Qazirgi ýaqytta oblysta reseilik «Spýtnik V» preparatynyń birinshi jáne ekinshi komponentteriniń 36 400 dozasy bar», - dedi ol.
Nurlanǵazy Ibraevtyń aitýynsha, vaktsinalardyń jetkizilýi kestesi jasalyp, ony biryńǵai distribiýtor SK-Farmatsiia júzege asyrýda. Osy aidyń sońyna deiin taǵy 82200 doza jetkiziledi.
«Sodan keiin óńir jurtshylyǵy vaktsinatsiia pýnktterine shaqyryla bastaidy. Qazir oblys ákimi Danial Ahmetovtiń tapsyrmasymen bul oryndar anyqtalýda. Onda jumys isteitin meditsina qyzmetkerlerin daiyndyqtan ótkizemiz», - dedi basqarma basshysynyń orynbasary.
Aita keteiik, búginde Shyǵys Qazaqstanda 12 425 adam koronavirýsqa qarsy vaktsinanyń birinshi komponentin alǵan.
