ShQO drama teatrynyń Jastar trýppasy jańa maýsymnyń shymyldyǵyn túrdi, dep habarlaidy Altainiýs.
Has sulýdyń kóz jasyndai móldir ónerdi tamashalaýǵa kelgen kórermen úshin oblystyq drama teatrdyń Jastar trýppasy orys dramatýrgy ári satirigi Mihail Zadornovtyń «Posledniaia popytka» pesasy negizinde «VABANK/Sońǵy áreket» spektaklin daiyndapty.
Qoiylym jelisi boiynsha otbasyly erkekpen sóz jarastyrǵan 20 jastaǵy boijetken onyń áielinen kúieýin 20 myń dollarǵa satýyn ótinedi. Aldanǵan áiel bir jaǵynan opasyz kúieýin qimasa, ekinshi jaǵynan arsyz aqshadan da bas tarta almai, ábden ábigerge túsedi. Qysqasy, bir jarym saǵattyq spektaklde otbasy qundylyqtary jáne qazirgi túrli áleýmettik problemalar kórinis tapqan.
Basty róldi somdaý teatrdyń Jantai Turusbekov, Aiaýlym Turusbekova, Aigúl Hamit syndy artisterine buiyrypty.
Aitpaqshy, bir qyzyǵy basty róldi somdaǵan Jantai men Aiaýlym ómirde de erli-zaiyptylar. Al, qaljyńǵa toly qoiylymnyń qoiýshy rejisseri Roman Stepenskii.
- Ekiniń biri ajyrasyp jatqan zamanda búgingi qoiylym jiylǵan jurtshylyqqa oi salsa, onda bizdiń maqsatymyzdyń oryndalǵany. Maýsymashardy asyǵa kútken kórermen úshin qoiylym unady degen oidamyz - deidi artist Jantai Turusbekov.
Aitpaqshy jańa maýsymnyń kórermenge ázirlegen tosyn syiy da joq emes. Qoiylymǵa kelgen qaýym úshin arnaiy utys oiyny ázirlenipti. Sátti bilet alǵandarǵa teatr repertýaryndaǵy kez kelgen qoiylymǵa 2 bilet, 7 spektaklge tegin abonement, jyl kóleminde 12 qoiylymǵa abonement syiǵa berildi.
Jańa maýsymdy taǵatsyzdana kútken shahar turǵyndary qoiylymnan erekshe áser aldyq deidi.
