ShQO Bas memlekettik sanitarlyq dárigeri Qanat Turdiev pen oblystyq «Halifa Altai» meshitiniń bas imamy Ermek Muqatai yntymaqtastyq týraly memorandýmǵa qol qoidy, dep habarlaidy "Ult aqparat".
13 sáýir kúni Shyǵys Qazaqstan oblystyq «Halifa Altai» meshitiniń bas imamy Ermek Muqatai men ShQO Bas memlekettik sanitarlyq dárigeri Qanat Turdiev kezdesti. Bas imam Ermek Muqatai koronavirýs infektsiiasyna qarsy ekpe alǵan. Óz sózinde ol qasietti Ramazan aiynda aýyz bekitken musylman qaýymyna vaktsina orazany buzbaitynyn aitty. Sondai-aq dárýmender men qorektik qasieti barlardy qospaǵanda emdeý maqsatynda qoldanylatyn inektsiialarǵa ruqsat etilgen.
Qanat Turdiev karantin shekteýlerinde dini birlestikter qyzmetine qoiylǵan talaptar týraly túsindirdi. Taraptar koronavirýs infektsiiasy boiynsha epidemiologiialyq jaǵdaidy turaqtandyrý, halyqqa vaktsinatsiialaý týraly túsindirý jumystaryna tiimdi ózara is-qimyl jasap, kúsh-jigerdi biriktirý týraly ýaǵdalasty.
Bas imam meshitte halyqqa juqpaly dertke qarsy ekpe salý úshin arnaiy vaktsinatsiia bólmesin ashýdy usyndy. Kezdesý sońynda sanitarlyq-epidemiologiialyq qyzmet pen meshit ókilderi ózara túsinistik pen yntymaqtastyq týraly memorandýmǵa qol qoidy.
«Memorandým KVI profilaktikasyn jetildirý boiynsha jaqsy nátijelerge qol jetkizý úshin meshittiń múmkindikteri men resýrstaryn barynsha paidalanýǵa baǵyttalǵan. Halyqty vaktsinatsiialaýǵa qatysty qoiylǵan maqsattar men mindetterdi oryndaý maqsatynda birlesip jumys isteýimiz kerek», - dedi Qanat Turdiev.
