شقو باس مەملەكەتتٸك سانيتارلىق دەرٸگەرٸ قانات تۇرديەۆ پەن وبلىستىق «حاليفا التاي» مەشٸتٸنٸڭ باس يمامى ەرمەك مۇقاتاي ىنتىماقتاستىق تۋرالى مەموراندۋمعا قول قويدى, دەپ حابارلايدى "ۇلت اقپارات".
13 سەۋٸر كٷنٸ شىعىس قازاقستان وبلىستىق «حاليفا التاي» مەشٸتٸنٸڭ باس يمامى ەرمەك مۇقاتاي مەن شقو باس مەملەكەتتٸك سانيتارلىق دەرٸگەرٸ قانات تۇرديەۆ كەزدەستٸ. باس يمام ەرمەك مۇقاتاي كوروناۆيرۋس ينفەكتسيياسىنا قارسى ەكپە العان. ٶز سٶزٸندە ول قاسيەتتٸ رامازان ايىندا اۋىز بەكٸتكەن مۇسىلمان قاۋىمىنا ۆاكتسينا ورازانى بۇزبايتىنىن ايتتى. سونداي-اق دەرۋمەندەر مەن قورەكتٸك قاسيەتٸ بارلاردى قوسپاعاندا ەمدەۋ ماقساتىندا قولدانىلاتىن ينەكتسييالارعا رۇقسات ەتٸلگەن.
قانات تۇرديەۆ كارانتين شەكتەۋلەرٸندە دٸني بٸرلەستٸكتەر قىزمەتٸنە قويىلعان تالاپتار تۋرالى تٷسٸندٸردٸ. تاراپتار كوروناۆيرۋس ينفەكتسيياسى بويىنشا ەپيدەميولوگييالىق جاعدايدى تۇراقتاندىرۋ, حالىققا ۆاكتسيناتسييالاۋ تۋرالى تٷسٸندٸرۋ جۇمىستارىنا تيٸمدٸ ٶزارا ٸس-قيمىل جاساپ, كٷش-جٸگەردٸ بٸرٸكتٸرۋ تۋرالى ۋاعدالاستى.
باس يمام مەشٸتتە حالىققا جۇقپالى دەرتكە قارسى ەكپە سالۋ ٷشٸن ارنايى ۆاكتسيناتسييا بٶلمەسٸن اشۋدى ۇسىندى. كەزدەسۋ سوڭىندا سانيتارلىق-ەپيدەميولوگييالىق قىزمەت پەن مەشٸت ٶكٸلدەرٸ ٶزارا تٷسٸنٸستٸك پەن ىنتىماقتاستىق تۋرالى مەموراندۋمعا قول قويدى.
«مەموراندۋم كۆي پروفيلاكتيكاسىن جەتٸلدٸرۋ بويىنشا جاقسى نەتيجەلەرگە قول جەتكٸزۋ ٷشٸن مەشٸتتٸڭ مٷمكٸندٸكتەرٸ مەن رەسۋرستارىن بارىنشا پايدالانۋعا باعىتتالعان. حالىقتى ۆاكتسيناتسييالاۋعا قاتىستى قويىلعان ماقساتتار مەن مٸندەتتەردٸ ورىنداۋ ماقساتىندا بٸرلەسٸپ جۇمىس ٸستەۋٸمٸز كەرەك», - دەدٸ قانات تۇرديەۆ.
