Shyǵys Qazaqstan oblysyndaǵy Kókpekti jáne Aiagóz aýdandarynda keshe shyqqan dala órtiniń beti áli qaitar emes, dep habarlaidy QazAqparat.
ShQO Tótenshe jaǵdailar departamenti baspasóz qyzmetiniń málimetine súiensek, órt sóndirýshiler Kókpekti jáne Aiagóz aýdandarynda shópti sharpyǵan tilsiz jaýmen kúresip jatyr. Olarǵa jergilikti atqarýshy organ ókilderi men ormanshylar kómektesýde.
«Kókpekti aýdanyndaǵy «Kliýchi» ýchaskesinde qyzyl jalynnyń jalpy aýdany 45 gektardy, Aiagóz aýdanyndaǵy Qara Bojyr ýchaskesinde 25 gektardy jáne Úmbetai ýchaskesinde 10 gektardy quraǵan. Oqiǵa ornynda barlyǵy 88 órt sóndirýshi, jergilikti atqarýshy organnyń 92 qyzmetkeri, 10 ormanshy jáne 27 tehnika jumyldyrylǵan», - dep habarlady vedomstvo ókilderi.
Órtti sóndirýge qatty jel jáne arnaiy tehnikanyń qozǵalysyna jolsyz jer kedergi keltirýde.
