Shyǵys Qazaqstan oblysynda avtobýs pen júk kóligi soqtyǵysqan jol apatynyń jai-japsary belgili boldy, dep habarlaidy "Ult aqparat".
ShQO dene shynyqtyrý jáne sport basqarmasy baspasóz qyzmetiniń málimetinshe, balalar Shemonaiha aýdanynda ótip jatqan Balalar jáne jasóspirimder arasyndaǵy QR chempionatyna qatysý úshin jolǵa shyqqan. Salonda Oral qalasynan 12 jáne ShQO-dan 28 sportshy bolǵan. Olar - sporttyq baǵdarlaý boiynsha jarysqa qatysýshylar.
«Shyǵysqazaqstandyq úsh bala aýrýhanaǵa jetkizildi. Biraq olardan bas-mi jaraqaty anyqtalmady. Basy aýyryp turǵanyn aitqan 4 oraldyq sportshy da meditsinalyq mekemege jetkizildi. Kishigirim jaraqat alǵan sportshylar aýrýhanaǵa barýdan bas tartty. Sondai-aq olarmen birge bolǵan memlekettik jattyqtyrýshy aiaǵy synǵan degen kúdikpen aýrýhanaǵa jetkizildi» delingen málimette.
Eske sala keteiik, búgin tańerteń Shyǵys Qazaqstan oblysynda balalar otyrǵan avtobýs jol apatyna ushyrady. ShQO politsiia departamenti baspasóz qyzmetiniń málimetinshe, qoǵamdyq kólikte 53 jolaýshy otyrǵan, sonyń 46-sy - bala. Onyń ishinde 8 bala jaraqat alǵan bolatyn.
